Dr Hinemoa Elder

Te Aupōuri, Ngāti Kurī, Te Rarawa, Ngāpuhi nui tonu
MBChB, FRANZCP, PhD, MNZM

Ko Amongaariki II tōku tupuna,
Ko Muriwhenua tōku ūkaipō,
Ko Tawhitirahi tōku maunga, te iringa kōrero o ngā mātua tūpuna,
Ko Pārengarenga tōku puna roimata, mō rātou kua riro ki tua o Te Ārai,
Ko Awapoka tōku awa, te huarahi o ngā roimata ki te puna,
Ko Potahi tōku marae, tōku tūrangawaewae,
Ko Te Aupōuri, ko Ngāti Kurī, ko Te Rarawa, ko Ngāpuhi nui tonu ōku iwi
He wāhi whakaruruhau hoki tēnei Motu Arai Roa ki a tātou, noho ai tātou ko te whānau tae noa ki te tau 1998.
He whenua taurikura tēnei, he mana tō te rongoā o te hau kōtengitengi o Rangihoua, ngā tāhuna o Kuakarau, ngā tai o Pāoa.
E tautoko mārika ana ahau ki te tū tonu o te Roopu Wāhine Māori Toko I te Ora, ki te Motu Arai Roa.